Հռիփսիմե Խուրշուդյանը զրկվել է տիտղոսներից

Հայ ծանրորդուհի Հռիփսիմե Խուրշուդյանը զրկվել է տիտղոսներից։ Այս մասին հայտնում է Ծանրամարտի միջազգային ֆեդերացիայի՝ IWF-ի պաշտոնական կայքը։

Հռիփսիմեն, ով 2012-ի Լոնդոնի օլիմպիական խաղերին գերծանր քաշային կարգում նվաճել էր բրոնզե մեդալ, ապա դոպինգ-փորձանմուշների վերստուգումից և դրանց դրական լինելուց հետո վերադարձրել է մեդալը, այժմ զրկվել է մյուս մեդալներից։

Նշենք, որ Հռիփսիմեի դոպինգ-թեստը դրական է եղել ինչպես 2012-ի Լոնդոնի օլիմպիական խաղերին, այնպես էլ 2008-ի Պեկինի օլիմպիական խաղերին։ Այդ պատճառով նրա՝ 2008-ից ի վեր բոլոր արդյունքները չեղյալ են հայտարարվել։

Հիշեցնենք, որ Հռիփսիմեն 2008 թվականից հետո հռչակվել է Եվրոպայի չեմպիոնուհի (2016), Եվրոպայի փոխչեմպիոնուհի (2009, 2011), աշխարհի առաջնության բրոնզե մեդալակիր (2009)։ Մինչև 2008 թվականը նվաճած մեդալները նա պահպանել է։

https://mamul.am/am/news/150664

2,289 просмотров всего, 2 просмотров сегодня

Загрузка...

Добавить комментарий

Ваш e-mail не будет опубликован. Обязательные поля помечены *